பாரதிராஜா இயக்கத்தில் உருவாகி வருகிறது ‘அன்னக் கொடியும் கொடி வீரனும்’. இப்படத்தில் அமீர்தான் ஹீரோவாக நடிக்கிறார்.”கடந்த இரண்டு மாசத்துக்கு முன்பு எனக்கும் அமீருக்கும் நடுவில் புயல் வீசியது. நான் அதையெல்லாம் மனதில் வைத்துக் கொள்ள மாட்டேன். எல்லாவற்றையும் மறந்து எங்களுக்கிடையில் இப்போது தென்றல் வீசிக் கொண்டிருக்கிறது” என்கிறார் பாரதிராஜா.
”உங்க படத்தில் நடிக்கும் புதுமுகங்களை நீங்க அடிப்பீங்க. ஆனால் அமீர் ஏற்கனவே சில படங்களில் நடித்திருக்கிறார். அவரை எப்படி கையாள்வீர்கள்?” –இது கேள்வி?
”அமீர் நல்ல நடிகன். ‘யோகி’ படத்தில் அவனோட பர்பாமென்சை பார்த்திருக்கேன். அந்த நம்பிக்கையில்தான் இந்த படத்தில் அவனை நடிக்க வச்சிருக்கேன். நான் நினைச்சது வரலைன்னா கடுமையா திட்டுவேன் ” என்றார் பாரதிராஜா. இந்த படத்தில் அமீர் கட்டுவிரியன் என்ற கேரக்டரில் நடிக்கிறார்.
ஆனால் அமீர் என்ன சொல்கிறார்? “ எங்களுக்கு இடையில் புயல் வீசியதாக சார் சொன்னார். அது புயலெல்லாம் இல்லை. என் மனதில் பட்டதை யாருக்கும் தயங்காமல் சொல்வது என்னோட கேரக்டர். அவரே கூட என்னிடம் பலமுறை சொல்லியிருக்கிறார். நீதாண்டா பயப்படாமல் உண்மையை பேசுறே என்று. குற்றப்பரம்பரை படத்தை எடுக்கணும்னு அவரு நினைச்சப்பவே என்னைதான் நடிக்க அழைத்தார். எப்ப கூப்பிட்டாலும் நான் வருவேன்னு சொல்லியிருந்தேன். இப்ப கூட அவர் என்னை அழைத்ததும் என்ன கதை, ஏதுன்னு கூட கேட்கல. நேரடியா வந்துட்டேன்” என்றார் அமீர்.
No comments:
Post a Comment